- SUMATRA
- SUMATRAInsul. ampla Asiae, una ex tribus Sindae Insul. In Oceano Indico ad Austrum Aureae Chersonesi seu peninsul. Indiae ulterioris, a qua separatur fretô Malacensi, 26. mill. pass. ad Ortum, ubi etiam ad Meridiem separatur a Iava fretô Sundae 20. mill. pass. circiter. Oblonga est, et extenditur a Circio in Eurum per 850. mill. pass. nempe ab Acemo ad fretum Sundae. Insula haec mineris ditissima, aurum, argentum et metallorum tormentis longe optimis fundendis commodum generat. Visitur ibi mons globos igneos evomens, sulpuris minerâ nobilitatus: affirmant fontem in eadem esse insula, qui balsami pretiosissimi oleô scaturiat. Est insuper insignis perennr fonre, ex quo Naphtha, instar olei, manuat:et excelsô conspectu montem Balalvanum incolae vocant, qui, ad similitudinem Siciliensis Aetnae, fumum et flammas horribiles evomit. Regio est, ob frequentiam fluminum, ac paludum, nemorumque densissimorum, gravi admodum caelô, ac praesertim advenis vehementer infestô. Praecipua regna huius Insulae sunt Achem, Camper, Iamby, Menancabo, Pacem, Palimban et Pedir. Totius Insulae urbs praecipua Achem, in parte Boreali.
Hofmann J. Lexicon universale. 1698.